Билиг ухаан ба төвлөрөл, айлдварын 10-ын 1-р хэсэгт

Япон улс технологийн болон материаллаг түвшинд өндөр хөгжилд хүрсэн хэдий ч ард түмнийх нь зүрх сэтгэлд материаллаг ертөнцөөс хэтийдсэн зүйлийг буюу өөрсдийн Тэнгэрлэг гарал үүсэл рүүгээ буцах гэсэн чимээгүйхэн хүсэл тэмүүлэл оршсоор л байна. Төгс Гэгээрсэн Их Багш Чин Хай (веган) 2000 онд "Хайрын далай" Дэлхийн тойрон аяллынхаа найм дахь зогсоол болгон, Япон улсыг найртайгаар багтааснаар энэ сайхан нутагт сэргэлтийн шинэ гэрэл туссан юм. Түүний сүүлчийн айлчлалаас хойш долоон жил өнгөрч, Түүнийг эргэн ирэхийг удаан хүлээсэн чин сэтгэлт Үнэний эрэлчид гүн хүлээлт, баяр хөөрөөр бялхан уулзсан билээ.

Японы авшигтнууд үнэн сэтгэлийн зориуллаар адис ерөөлт арга хэмжээнд хайраар бэлтгэж, Их Багшийн сургаалыг орчуулж, энэ мэдээг анхаарал, хүндлэлээр хуваалцсан билээ. Бурханы төгс зохицуулалтаар бүх зүйл хоорондоо гайхалтай зохицон бүтжээ. 2000 оны 5-р сарын 7-ны ерөөлтэй өдөр ирэхэд Токио хотын У-Порт Кан-И Хокен танхим тайван, өөдрөг уур амьсгалаар дүүрэн байлаа. Алтан нар, мөнгөн сар, тоо томшгүй олон оддыг дүрсэлсэн эрхэмсэг кимоногийн загвараар зохиомжлон бүтээсэн тайз нь орчлон ертөнцийн амар амгалан, бүх Бүтээлийн нэгдмэл байдлыг бэлгэдэж байлаа.

2000 оны 5-р сарын 7-нд Япон улсын Токио хотноо Төгс Гэгээрсэн Их Багш Чин Хай (веган)-н “Хайрын далай аялал: Бурханыг мэдрэхүй” аяллын хүрээнд айлдсан "Билиг ухаан ба төвлөрөл" цуврал айлдварыг хүргэж байгаадаа таатай байна. Их Багш энэхүү айлдвартаа бидэнд зөв төвлөрөл, оюун санааны чин сэтгэлийн бясалгал дадлаар дамжуулан дотоодын Гэрэлээ дахин нээж, жинхэнэ аз жаргалыг олж, дэлхийд амар амгалан, хайрыг авчрах боломжтойг сануулсан юм.

Одоо та бүхнийгээ 1-р хэсэгт бидэнтэй хамт байхыг урья. Энэ хэсэгт Төгс Гэгээрсэн Их Багш Чин Хай (веган)-н тухай танилцуулгаар эхэлж, дараа нь япон шавь нар Их Багшийн сургаалаар дамжуулан хүлээн авсан адислал, дотоод амар амгалангийн тухай чин сэтгэлээсээ хуваалцаж буй яриаг япон хэлээр олон хэлний хадмал орчуулгатай толилуулах болно.