ӨДӨР ТУТМЫН МЭДЭЭ-ний гол тойм – 2026 оны 4-р сарын 17

Индонезийн Үндэсний Амил Закатын Агентлаг болон Ливийн Шайх Тахир Алзави Буяны Байгууллага гамшгийн тусламж, дүрвэгсдийг дэмжих, боловсрол, дэд бүтцийн шинэ төслүүдийг багтаасан дэлхийн хүмүүнлэгийн ажиллагааг уялдуулахаар түншлэлээ өргөжүүллээ. (Бернама)

Ливи дэх НҮБ-ын Дэмжлэгийн Зорилт нь 2025 онд 92,000 гаруй газрын мина, дайны тэсрэх бодисын үлдэгдлийг цэвэрлэж, мөн 24,000 гаруй хүнд эрсдэлийн талаарх мэдлэг олгох сургалт явуулжээ. (Ливия Обсервер)

[Угандагийн] Караможо дахь явуулын сургуулиуд алслагдсан уул уурхайн суурин дахь хүүхдүүдэд боловсролыг шууд хүргэж, Бичиг үсэггүй маш муу түвшнийг бууруулан, ашигт малтмал олборлолтоос амьжиргаагаа залгуулдаг гэр бүлүүд зонхилдог бүс нутагт хүүхдийн хөдөлмөрийн өөр хувилбарыг санал болгож байна. (NTV Уганда)

Сингапур улс хүүхдүүдийн робот техник, ХОУ [хиймэл оюун ухаан]-ы талаарх сониуч занг практик үйл ажиллагаа, ХОУ-ны ёс зүйн боловсролоор, мөн ухаалаг системүүд өдөр тутмын амьдралын нэг хэсэг хэсэг болж буйг харуулсан интерактив үзүүлбэрээр өдөөх зорилготой дөрвөн өдрийн арга хэмжээ болох анхны RoboFest-аа эхлүүллээ. (Бао Тин түк)

Тайвань (Формоса)-ийн Байшатун Мацугийн мөргөл дээд амжилт тогтоосон 460,000 оролцогчтойгоор эхэлж, сүсэгтнүүд тэнгисийн Дарь Эх Мацугийн хөргийг залсан дамнуургыг бурхны хүслээр чиглэгддэг гэж итгэдэг замыг даган 8 өдрийн аялалд гардаг бөгөөд энэ нь тус арлын хамгийн чухал соёлын болон сүнслэг арга хэмжээнүүдийн нэг болж байна. (Тайпей Таймс)

Малын эмч нар нохой-ардын асран хамгаалагчдад тэжээвэр андыг нь хүнд өвчин, хүчтэй өвдөлт, бүр үхэлд ч хүргэж болзошгүй хүний таван төрлийн түгээмэл хоол өгөхөөс зайлсхийхийг анхааруулж байна. Чанасан яс амархан хуваагдаж хагардаг тул амьсгал боогдох, гэдэс бөглөрөх, дотуур гэмтэл үүсгэж болзошгүй. Түүхий гурилан зуурмаг нь исгэгч ходоодонд тэлэх шалтгаан болдог тул өвдөлт үүсгэн дүүрэх, ходоод мушгирах, архины хордлого үүсгэх аюултай. Утсан гахайн мах нь өөх тос, давс ихтэй тул ходоодыг хямраах, нойр булчирхайн үрэвслийг өдөөж болно. Макадами самар нь нохой-ардад маш хортой бөгөөд бага хэмжээгээр хэрэглэсэн ч хордлого, сульдаа, түр саажилт үүсгэдэг. Эцэст нь, сахар, тос ихтэй цагаан талх нь ялангуяа өвчлөлд өртөмтгий үүлдрийн нохой-хүмүүст нойр булчирхайн үрэвсэл үүсгэж болзошгүй. (Экспресс)

Эмнэлгийн мэргэжилтнүүд одоо устөрөгчийн хэт ислийг шархны ердийн арчилгаанд хэрэглэхээс татгалзахыг зөвлөж байна. Учир нь энэ нь эрүүл эсүүдийг гэмтээж, эдгэрэлтийг удаашруулж болзошгүй. Орчин үеийн удирдамжид эдийг хамгаалахын тулд давсны уусмал, эсвэл илүү зөөлөн халдварын эсрэг бодис хэрэглэхийг зөвлөж, уусмал хөөсрөх нь эдгэрэлтийг сайжруулах бус харин эсүүдэд хор хүргэж болох химийн урвалын илрэл гэдгийг онцолжээ. (Түөй Трэ)

Эстонийн судалгаагаар тус улсад хачгаар дамжих өвчний эрсдэл бүс нутгаас хамааран ихээхэн ялгаатай байгааг харуулжээ. Ляэне-Виру тойрогт Лаймын өвчний түвшин өндөр байгаа бол Сааремаа тархи нугасны үрэвслээр тэргүүлж байна. Хот суурин газрууд ч хачгаар дамжих өвчний эрсдэлд улам бүр өртөж байна. (ERR Ньюс)

Судалгаагаар АНУ-д архитай холбоотой элэгний өвчлөл урьд нь тооцоолж байснаас хоёр дахин түгээмэл байж болзошгүй бөгөөд нуугдмал шинж тэмдгийн улмаас ихэвчлэн оношлогдолгүй үлддэг нь тогтоогджээ. Мэргэжилтнүүд нөхөн сэргээх боломжгүй гэмтэл, урт хугацааны хүндрэлээс сэргийлэхийн тулд эрт илрүүлэх шинжилгээ, мэдлэг олгох ажлыг уриалж байна. (VCU Хельт)

Халуун орны Майла хар салхи Папуа Шинэ Гвинейд наад зах нь 11 хүний аминд хүрч, эргийн тосгодыг сүйтгэжээ. Бугенвилл даяар 20,000 гаруй оршин суугчид яаралтай тусламж шаардлагатай болж, хөрсний нуралт, үер, хүчтэй салхи амин чухал дэд бүтцийг сүйрүүлжээ. (Уотчерс)

4-р сарын 11–13-ны хооронд орсон орсон ширүүн аадар бороо Саудын Араб даяар гэнэтийн үер, мөндөр, хүчтэй салхи дагуулж, улс даяар сургууль, их сургуулиудыг цахим хэлбэрт шилжүүлэхэд хүргэжээ. Үерийн эрсдэл үргэлжилсээр байгаа тул эрх баригчид онц байдлын ажиллагааны багуудыг дайчилсан байна. (Уотчерс)

Энэ жилийн хамгийн хүчтэй шуурга болох Синлаку супер хар салхи Хойд Марианы арлуудад ойртож, Гуамын ойролцоо өнгөрч байна. Албаны хүмүүс сүйтгэх хүчтэй салхи, аадар бороо, үерийн анхааруулга гаргаж, АНУ-ын Ерөнхийлөгч Дональд Трамп онц байдал зарлахад хүрсэн бөгөөд оршин суугчид цахилгаан удаан үргэлжлэн тасалдаж болзошгүй нөхцөлд бэлтгэж байна. (Вашингтон Таймс)

[Ау Лак (Вьетнам)-ын] Кантхо хотын FPT Их Сургуулийн таван оюутантай бүлэг усны гиацинт болон бадамлянхуаны навчаар бүрэн био задралд ордог сав баглаа боодол үйлдвэрлэх гарааны бизнес хөгжүүлж, орон нутгийн тариаланчдад шинэ орлого бий болгохын зэрэгцээ бизнесүүдэд нэг удаагийн хуванцрын байгальд ээлтэй хувилбарыг санал болгож байна. (Тань Ньень)

[Киргизстаны] Нарийн хот Швейцарын дэмжлэгтэй таван жилийн тэсвэржилтийн хөтөлбөрийн хүрээнд хамгийн эмзэг жалгууддаа үерийн шавар урсгалаас хамгаалах дөрвөн байгууламж барихаар төлөвлөж байна. (24.kg)

[АНУ-ын] Миссурийн Их Сургуульд боловсруулсан инженерчлэгдсэн замаг нь бохир усан дахь бичил хуванцартай холбогдон тэдгээрийг зайлуулж болох бөөгнөрөл болгон барьцалдуулах чадвартай бөгөөд үүнийг цаашид био хуванцар бүтээгдэхүүн болгон хувиргах боломжтой гэж үзэж байна. (СкайТех Дэйли)

[Индонезын] Бали арал аялал жуулчлал, эрүүл амьдралын соёл, орон нутгийн темпегийн уламжлалын нөлөөгөөр дэлхийн веган төв болон гарч ирж байна. PETA [Амьтанд ёс зүйтэй ханддаг хүмүүсийн нийгэмлэг]-гийн Азийн ерөнхийлөгч Жейсон Бейкер (веган) “Балигийн эрч хүчтэй веган орчин нь амьтанд хор хүргэлгүйгээр уламжлалыг хүндэтгэсэн жинхэнэ хоол, шинэлэг амтны аль алийг нь санал болгож байна.” гэжээ. (Баруун Австрали)

Beyond The Plant Protein Company [өмнө нь Beyond Meat нэртэй байсан] АНУ-ын томоохон жижиглэн худалдааны сүлжээнүүдээр веган өглөөний хиамныхаа хамгийн сүүлийн хувилбарыг улс даяар худалдаанд гаргалаа. Шинэчилсэн найрлагатай энэ бүтээгдэхүүн нь амтыг сайжруулснаар өглөөний уургийн өсөн нэмэгдэж буй зах зээлийг татахыг зорьж байна. (Bitget)

Их Британийн “This” брэнд уураг ихтэй, шууд хэрэглэхэд бэлэн дели зүсмэлүүдээ улс даяар худалдаанд гаргалаа: This Isn’t Roast Chicken зүсмэл, This лима шош, саримс, улаан чинжүүтэй зүсмэл. Шим тэжээлээр баялаг энэ цуврал 4-р сарын 22-нд Моррисонд худалдаанд гарч, дараа нь 5-р сард Sainsbury's сүлжээнд нэвтэрнэ. (ФүүдБев Медиа)

Зоригтой залуу эр [Мексикийн] Ла Паз зам дээрх гудамжны гэрлийн шон дээр авирч, торонд баригдсан цахлай-хүний амийг аварчээ. (Зокало)

Их Британийн дөрвөн настай Сиенна охин гэр бүлийн амралтын дараа үүссэн ховор, хөдөлмөрийн чадвар алдагдуулах тархины өвчин болох цочмог үхжилт тархи нугасны үрэвслээс эдгэрч, эмнэлгийн таамгийг няцаалаа. Суурь хөдөлгөөний чадвараа алдаж, эмнэлэгт гурван сар гаруй хугацаанд хэвтсэний дараа тэрээр ер бусын тэсвэр хатуужлын ачаар одоо бие даан алхаж, ярьж байна. Цаашдын физик эмчилгээ, нөхөн сэргээх эмчилгээнд зориулан олон нийтийн дэмжлэгээр 140,000 гаруй фунт.Стерлинг цугларчээ. (BBC)

Өмнөд Африкийн ашгийн бус “Heaven of Hope” амьтан аврах газар хаягдсан тэжээвэр амьтан-хүмүүсийг аварч, сэргээн засаж, зайлшгүй шаардлагатай мал эмнэлгийн тусламж, асрах газраар хангаж байна. Тус байгууллага одоо эмзэг амьтан-иргэдийн амь насыг аврах үйл ажиллагаагаа үргэлжлүүлэхийн тулд одоо олон нийтийн хандив, ивээн тэтгэлэг хүсэж байна. (Ситизен)

[АНУ-ын Аризона мужийн] Марикопа тойрогт амьтан-хүний хамгааллын ажилтан Дэвис толгойдоо хуванцар сав тээглүүлсэн, гудамжны нохой-хүн Жонсыг аварчээ. Үүний дараа малын эмч аюултай зүйлийг аюулгүйгээр салган авсан бөгөөд дөлгөөн нохой-иргэн тойргийн амьтны асрах газарт хурдан эдгэрч, үрчлэгдэхээ хүлээж байна. (Tag24 ба Додо)

Өдрийн гэгээрүүлэх эшлэл: “Амьдралдаа нэг ч өдрийг бясалгал хийхгүйгээр өнгөрөөхгүй байх нь чухал, учир нь энэ хорвоогийн зовлон, жаргалын бүх мэдрэмжийг хүн туулах л ёстой болдог.” – Хүндэт Гэгээрсэн Их Багш Баба Деви Сахиб (цагаан хоолтон) (SantMatRadhaSoami)

Өмнө нь Рэнди Риверстоун Грейвсийн клиник үхэлд орсон тохиолдлын 3-ын 1-р хэсэгт Америкийн номлогч, эмнэлгийн сүмийн санваартан, хөгжимчин Рэнди Секвойя ууланд зүрхний шигдээсээр унаж, дэлхий ертөнц гэрэлтэн гялалзахыг харж, эхийн хэвлий мэт дулаан хөх ягаан усанд хөвж байгаагаа мэдэрч, гялтганасан гадаргуу руу нь гараас нь өргөн аваачихыг мэдэрч, үүгээр дамжин дээш явахаар сонгосон байна.

Тэгээд би “за, явцгаая” гэж бодсон даруйд тэд намайг өргөж, би уснаас гарч ирэхэд ус надаас асгарсан. Энэ нь нил ягаан ус байсан. Тэгээд би уснаас гарч ирээд, Сарыг харсан, тэнгэрийг харсан, дараа нь энэ нь төгсгөлгүй мэт үргэлжлэх, зөөлөн давлагаатай далай байсан. Том давлагаа биш, усан санд харагддаг шиг л зөөлөн, жижигхэн давлагаа, гэхдээ төгсгөлгүй, энэ нил ягаан далай байсан. Тэнгэр ч мөн нил ягаан өнгөтэй байсан ч тэнд дээр бүхэлдээ туйлын туяа мэт харагдаж байлаа. Тэр нил ягаан өнгө өөрчлөгдөж, бага зэрэг цэнхэр ногоон судалтай болсон. Тэгээд тэдгээр гар намайг тасралтгүй өргөсөөр, өргөсөөр, өргөсөөр, тэд намайг өргөж, би агаар мандлыг нэвт гарч, дараа нь сансар огторгуйгаар хөөрөн нисэж эхэлсэн, одод, мананцрууд, хийн аварга үүлс, магадгүй галактикууд хажуугаар жирэлзэн өнгөрч байлаа. Би зүгээр л сансар огторгуйгаар нисэж байсан бөгөөд энэ нь надад үнэхээр сэтгэл хөдөлгөм байсан. Надад ямар ч айдас байгаагүй. Энэ зугаатай байсан. Би амьдралынхаа хамгийн сайхан мөчийг өнгөрүүлж байгаа мэт санагдаж байсан.

Дараа нь Рэнди сансарт, бүх зүгт оддоор хүрээлэгдсэн газарт зогсоход ер бусын оршихуйнууд түүнд ойртон иржээ. Тэд цэвэр энергиэс бүрдсэн оршихуйнууд байсан. Тэд биетэй байсан ч хүний хэлбэр дүрсгүй байв. Тэд анивчсан дөл шиг харагдаж, эргэлдэж, дервишүүдтэй адилхан байлаа. Тэгтэл гэнэт би амьдралдаа сонсож байгаагүй хамгийн гайхамшигтай Хөгжмийг сонссон. Тэр нь Бурханы Хөгжим мэт байсан. Бүх зүйл Хөгжим, бүх зүйл Бурхан байсан. Тэгээд би өөрийгөө Бурханы дотор байгааг, Бурханы нэг хэсэг гэдгээ ойлгосон, би Бурханд бүрэн умбаж, Түүний нэг хэсэг болсон гэсэн дотоод мэдрэмж надад төрсөн, энэ Хөгжим бол, бурхан минь, үнэхээр гайхамшигтай байсан. Сонсоод л өөрийн эрхгүй уйлмаар болдог хөгжим та сонсож байсан уу? Энэ нь найрал хөгжим шиг үнэхээр сайхан байсан. Энэ бол түүнээс зуу дахин илүү байсан, учир нь энэ миний сүнсийг бүхэлд нь дүүргэж байлаа. Энэ бүхий л Орчлон ертөнц даяар хаа сайгүй оршиж байсан. Энэ Хөгжмөөр дамжуулан Бурхан ярьж байсан арга нь энэ байлаа.

Тэгээд над руу ойртсон эдгээр бүх оршихуй мөн дуулж байв. Тэд дервишүүд шиг тойрон эргэлдэж, бүжиглэж байсан ч мөн дуулж байв. Тус бүр өөрийн гэсэн дуутай байсан ч дуу бүр нь агуу симфонийн нэг хэсэг болж байлаа. Гэхдээ би тус бүрд нь анхаарч, ойртуулан сонсоход бүгд нэг л аялгуунд байсан бөгөөд тэрхүү агуу сэдвийн нэг хэсэг мэт санагдаж байлаа. Энэ нь гол сэдвийн эсрэг аялгуу мэт боловч бүгд нийлээд зүрх шимшрэм тийм нэг сүр жавхлант симфони болж байв. Энэ нь намайг зүгээр л уйлмаар санагдуулсан. Тийм сайхан байсан. Тэгээд би тэдний нэгнээс бодлоороо: “Та хэн бэ? Та хэн бэ?” гэж гайхширал дүүрэн мэдрэмжээр асуухад, “Чи бидний нэг гэдгээ мэдэхгүй гэж үү?” гэсэн хариу авсан. Тэр нь намайг үнэхээр алмайруулсан. Дараа нь би өөрийн бие рүү харахад хуруунуудаас минь нил ягаавтар анивчсан дөл цацарч байсан бөгөөд “Хөөх, энэ гоё юм” гэж бодсон. Би: “Хэрэв хүсвэл би ч бас тэдэн шиг дөл болж чадна” гэж бодсон.

Тэгтэл ойролцоох мананцраас илүү тод Гэрэл гарч ирэн, Рэнди рүү ойртоход түүний дотор зүрх нь догдлон цохилжээ. Тэр нь зүгээр л баяр баясал, бишрэл, догдлолын мэдрэмж байсан. Тэр над руу ойртох тусам хэлбэрээ олж эхэлсэн. Тэр эмэгтэй хүн байсан. Тэгээд энэ нь надад эмэгтэй дүрээр үзэгдэж буй Бурхан гэдгийг би мэдсэн. Бурхан янз бүрийн дүрээр үзэгдэж чадна гэдэгт би итгэдэг. Гэвч Бурхан надад эмэгтэй дүрээр үзэгдсэн бөгөөд Тэр нил ягаан өнгөтэй байсан. Тэр нил ягаан арьстай, нэлээд урт нил ягаавтар үстэй байсан. Мөнхийн залуугаараа мэт. Магадгүй дөч гаруй настай байсан байх, мэдэхгүй. Урт, намирсан хувцастай, энэ салхи үлээж буй мэт харагдаж байсан бөгөөд Түүнээс мэргэн ухааны гүн гүнзгий байдал урсан гарч, нүд нь ийм энэрлээр дүүрэн байсан болохоор би шууд өвдөг сөгдмөөр санагдсан. Шүтэн мөргөх гэсэндээ биш, харин биширсэндээ, хэдийн мэдэрч байсан Хайр, Нигүүлсэл, гоо үзэсгэлэн, бишрэлийн өмнө. Тэгээд Тэр над дээр ирж, бид ямар нэгэн байдлаар харилцсан ч энэ хэсэгт яг ямар үг байсныг би сайн санахгүй байна. Зөвхөн намайг нөмөрсөн Хайрын давлагаа, энэ танил мэдрэмжийн давлагаа байсан. “Бурхан минь” гэж уулга алдмаар, Түүнийг тэврээд Түүний тэвэрт умбамаар санагдуулсан тийм давлагаа байсан. Эцэст нь Тэр надаас алхах уу гэж асууж, бид зэрэгцэн алхсан. Дараа нь бид сансар огторгуйн яг дунд буй нэг сандал дээр суусан бөгөөд Тэр надад хэдэн зүйл үзүүлэх хэрэгтэй гэж хэлсэн.

Бурхан Рэндид дараа нь үзүүлсэн зүйл нь түүнийг амьдралынх нь хамгийн гүн шарх руу, мөн өөрийнх нь үг бусдад үлдээсэн өвдөлт рүү хөтөлсөн юм. Миний учруулсан өөр хүний сэтгэлийн шархыг амсах нь илүү хэцүү байсан. Рэнди Риверстоун Грейвсийн клиник үхлийн тохиолдлын 3-ын 3-р хэсгээр маргааш хамт байгаарай. (Оюун санааны дайчны аялал)